A Policía Nacional da Comisaría de Vigo confirmou este mércores a aparición dun cadáver na Praza de Compostela, en pleno centro da cidade olívica, e que foi identificado como un veciño de Zaragoza, desaparecido o pasado 1 de abril.
Trátase de Rafael Otero Núñez, un home de 53 anos de idade, de pelo e ollos castaños e uns 170 cm de estatura, que foi visto por última vez en Zaragoza, e de cuxa ausencia alertou a asociación SOS Desaparecidos. Segundo fontes policiais, o corpo foi atopado á primeira hora da tarde deste mércores na Praza de Compostela, e non presentaba signos aparentes de violencia.
