InicioPolíticaCaballero anuncia a gratuidade "total" das escolas infantís desde o próximo curso

Caballero anuncia a gratuidade “total” das escolas infantís desde o próximo curso

Sinala que non é certo que a Xunta oferte a gratuidade das súas escolas infantís porque non son gratis todos os servizos e porque están financiadas en parte polo Concello.

PUBLICADO O

O alcalde de Vigo, Abel Caballero, anunciou este mércores que, a partir do próximo curso, as escolas infantís municipais serán “100%” gratuítas, é dicir, que non se pagará nin pola docencia, nin polo servizo de comedor nin o transporte.

Así o trasladou nunha rolda de prensa na que lembrou que o Concello olívico destina cada ano máis de 2,3 millóns de euros para soster estas nove escolas e, ademais, debe pagar 205.000 euros para o financiamento das escolas infantís da Xunta (tras as sentenzas que desestimaron os recursos do Concello).

Por iso, sinalou que non é certo que o goberno galego oferte a gratuidade das súas escolas infantís porque non son gratis todos os servizos e porque están financiadas en parte polo Concello. “Que cara dura política dicindo que son gratis!”, proclamou o rexedor, que censurou a “propaganda e desvergoña” do goberno autonómico.

Así mesmo tamén criticou as declaracións do goberno galego sobre as áreas de rehabilitación, “simulando” que a Xunta destina case 4 millóns cando, desa cantidade, só achega un 11 %, sendo a administración que menos diñeiro pon, por detrás do Goberno, do Concello e dos propietarios dos inmobles a rehabilitar.

ÚLTIMAS

O goberno de Vigo acusa a ecoloxistas de facer “política antivigo” por criticar a “política arboricida” do Concello

O goberno de Vigo acusou a veciños e ecoloxistas de facer "política antivigo" ao...

Dous detidos na desarticulación dun punto negro de venda de drogas en Navia

A Policía Nacional detivo este pasado xoves en Vigo a dous homes tras desarticular un punto negro...

Un camión guindastre choca contra o tendido eléctrico en Mos e provoca retencións e danos nunha vivenda

Un camión guindastre chocou na mañá deste venres contra o tendido eléctrico en Mos...

Outro accidente múltiple no túnel da Madroa causa retencións na AP-9 en Vigo

Un accidente múltiple rexistrado á primeira hora deste xoves na AP-9 causou importantes retencións no...