InicioSociedadeVigo conta máis de 3.800 casos activos e 66 pacientes ingresados

Vigo conta máis de 3.800 casos activos e 66 pacientes ingresados

Tras varias xornadas sen ningunha persoa con covid hospitalizada en UCI, na última xornada entrou un paciente.

PUBLICADO O

- Advertisement -

As persoas hospitalizadas pola Covid-19 seguen en ascenso ata os 436 en Galicia, que implican 21 máis que no inicio desta semana; así como os casos activos, que se incrementan ata os 20.663 –implican 438 máis–; mentres que os novos contaxios continúan por encima dos 2.000. Pola súa banda, a taxa de positividade ascende a un 11,2 por cento.

Segundo os datos actualizados este martes pola Consellería de Sanidade, con rexistros ata as 18,00 horas do luns, recollidos por Europa Press, descenden a 18 as persoas ingresadas en UCI pola Covid-19 en Galicia –dúas menos– e ascenden a 418 as hospitalizadas en unidades convencionais –23 máis–, mentres que 20.227 pacientes se atopan en seguimento no seu domicilio.

Por áreas sanitarias, a presión hospitalaria alíviase en dúas das sete: Ourense e Pontevedra-O Salnés; mentres que aumenta nas outras cinco: A Coruña-Cee, Vigo, Santiago-Barbanza, Lugo e Ferrol. En concreto, Na área de Vigo hai un paciente Covid en UCI –levaba varios días sen ningún– e 65 noutras unidades –un máis–.

CASOS ACTIVOS

Tras o descenso de casos activos no inicio desta semana, volven ascender ata os 20.663, que implican 438 máis que a xornada anterior, ao haber máis novos contaxios (2.290) que altas (1.846), ao que se engaden seis falecementos. Hai unha semana –o martes 15 de marzo– había 19.483 infeccións activas.

O aumento é xeneralizado en seis áreas sanitarias galegas, coa de Santiago e Barbanza á cabeza (+181), seguida da de Vigo (+87), Ferrol (+71), A Coruña (+58), Lugo (+49) e Pontevedra-O Salnés; mentres que descenden os casos activos unicamente na de Ourense (-29). Así, con máis infeccións activas continúa a área da Coruña e Cee, con 4.368; seguida da de Vigo, con 3.826; Santiago e Barbanza, con 3.372; Lugo, con 2.472; Ourense, con 2.430; Pontevedra-O Salnés, con 2.195; e á cola mantense a de Ferrol, con 1.904.

Segundo o último informe actualizado polo Ministerio de Sanidade este pasado venres 18 de marzo, a incidencia acumulada a 14 días en Galicia sitúase en 899,90 casos por 100.000 habitantes, mentres que a media estatal está en 445,80.

ÚLTIMAS

Desconvocada a folga de persoal de ambulancias na área de Vigo

O persoal de ambulancias da 061 da área Vigo decidiu desconvocar a folga indefinida...

Encontro de amizade e cooperación entre Vigo e México

O alcalde de Vigo, Abel Caballero, reuniuse este venres co embaixador de México en...

As cidades deportivas do Celta son elixidas como subsedes do Mundial 2030, pero Balaídos non será unha das sedes

A Real Federación Española de Fútbol (RFEF) anunciou que o coruñés estadio Abanca Riazor será unha...

Cine Fraga, “o inicio da recuperación dun emblema cultural” de Vigo

O conselleiro delegado de Abanca, Francisco Botas; o presidente da Xunta, Alfonso Rueda, e...