Unha colisión en cadea entre catro vehículos na Avenida de Madrid, en Vigo, saldouse con tres persoas feridas.

O 112 Galicia comunicou que o accidente se produciu sobre as 22,00 horas da noite do sábado. A esa hora, unha persoa particular contactaba co número de emerxencias para informar deste sinistro.

Os xestores do CIAE-112 Galicia puxeron a situación en coñecemento de Urxencias Sanitarias de Galicia-061, da Policía Local, da Garda Civil de Tráfico e de Protección Civil.