Unha muller de 76 anos foi evacuada a un centro hospitalario e un menor recibiu asistencia debido a un incendio rexistrado nunha vivenda da cidade de Vigo por mor dunha manta eléctrica.

Segundo informou o 112 Galicia, sobre as 5,00 horas deste mércores outras dúas persoas recibiron axuda médica despois de producirse un incendio cunha manta eléctrica. Os feitos sucederon nun apartamento da rúa Urzáiz, cuxo salón resultou completamente calcinado e a vivenda chea de fume. Así o explicaron os bombeiros da cidade a través do 112 Galicia.

Neste caso, só una das persoas atendidas no lugar dos feitos necesitou o traslado a un centro hospitalario. En concreto, o 061 enviou dúas ambulancias para atender a un menor, que recibiu o alta no lugar dos feitos, e a unha muller de 76 anos, M.C.M.M., que foi levada ao Hospital Fátima, confirmaron a Europa Press fontes sanitarias.