InicioVigo e contornaVigoA intermodal de Vigo estará operativa para o verán segundo a Xunta

A intermodal de Vigo estará operativa para o verán segundo a Xunta

Con todo, a outra parte dos accesos, levados a cabo polo Concello, tardarán algo máis, e non será ata o mes de maio cando estean finalizados.

PUBLICADO O

A estación intermodal de Vigo estará dispoñible para este verán, segundo avanzou a conselleira de Infraestruturas e Mobilidade, Ethel Vázquez, que asegurou que na actualidade as obras están ao 90% da súa execución.

Nunha entrevista en Radio Vigo Cadena Ser, recollida por Europa Press, Vázquez explicou que no primeiro trimestre deste ano o edificio de pasaxeiros estará finalizado, así como parte dos túneles de acceso que son construídos pola Xunta.

Con todo, a outra parte dos accesos, levados a cabo polo Concello, tardarán algo máis, e non será ata o mes de maio cando estean finalizados. Neste sentido, pediu “celeridade” pero indicou que este verán estará “totalmente en servizo” a estación intermodal para os usuarios de autobuses.

Entre outros temas, tamén criticou ao alcalde, Abel Caballero, por querer “confrontar” co tema da autovía Vigo-O Porriño, e insistiu na importancia de que os trens Avril cheguen a Galicia en xullo para acurtar a viaxe entre Vigo e Madrid ata as 3 horas e 20 minutos.

VIARIO DE BEADE

Preguntada sobre o viario que cruzaría a parroquia de Beade, Vázquez indicou que Caballero debería dar explicacións sobre a “chapuza” da planificación viaria da PXOM, que conta con “gravísimas deficiencias” e “erros de calado”.

Segundo ela, non debería sorprender o informe desfavorable da Xunta xa que nel prevese un viario financiado polo Executivo autonómico de forma “unilateral” e “sen ningún tipo de diálogo nin consulta”. Por iso, pediu ao Concello “rectifiación” respecto diso.

Ante estas palabras, a concelleira de Urbanismo do Concello de Vigo, María Xosé Caride, lamentou “o ton” da conselleira ao falar do Plan Xeral de Ordenación Municipal de Vigo e asegurou que a Xunta “só busca confrontar”.

Así, en declaracións difundidas aos medios, Caride criticou que Vázquez viñese a Vigo a anunciar, ao seu xuízo, “que abandona a cidade” e que ata 2050 o investimento en materia viaria que fará a Xunta serán “dous reforzos de firme” en dúas estradas autonómicas.

“Esiximos que trate aos vigueses como o que somos: cidadáns de primea dentro dunha Comunidade de primeira”, sentenciou.

ÚLTIMAS

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...

O Goberno traslada “tranquilidade” polo crime da maleta que, por agora, non se considera violencia de xénero

O subdelegado do Goberno en Pontevedra, Abel Losada, trasladou este luns unha "mensaxe de tranquilidade" sobre...

A CEG aborda con Caballero as necesidades de transporte de Vigo e insiste en pedir que o tren chegue ao porto de Bouzas

O presidente da Confederación de Empresarios de Galicia (CEG), Juan Manuel Vieites, reuniuse este luns co...

Trasladan ao hospital a unha octoxenaria con problemas respiratorios tras un incendio no portal dun edificio en Gran Vía

Unha muller de 82 anos de idade foi trasladada ao Hospital Álvaro Cunqueiro de...