InicioSociedadeA UVigo celebrará Santo Tomás de Aquino cun acto este venres

A UVigo celebrará Santo Tomás de Aquino cun acto este venres

O reitor, Manuel Reigosa, presidirá a celebración e o secretario xeral, Miguel Ángel Michinel, será o encargado de ler os nomes das persoas premiadas, que recibirán as correspondentes medallas, insignias e diplomas.

PUBLICADO O

A Universidade de Vigo volverá celebrar a festividade de Santo Tomás de Aquino, patrón da institución, despois da suspensión do ano pasado motivada pola pandemia de Covid, e farao cun acto este venres, no que se entregarán máis dun centenar de distincións.

Á celebración, que terá lugar no salón de actos da Facultade de Ciencias Económicas e Empresariais, están convidadas autoridades académicas e un grupo dun centenar de estudantes de grao, máster e doutoramento, galardoados cos Premios Extraordinarios de Grao, Premios Extraordinarios de Doutoramento e Premio Egeria á inclusión da perspectiva de xénero nos traballos de fin de grao e de fin de máster. Ademais, o acto será retransmitido por UVigo TV.

O reitor, Manuel Reigosa, presidirá a celebración e o secretario xeral, Miguel Ángel Michinel, será o encargado de ler os nomes das persoas premiadas, que recibirán as correspondentes medallas, insignias e diplomas.

En total, entregaranse 50 Premios Extraordinarios de Grao, 53 Premios Extraordinarios de Doutoramento (23 correspondente ao curso 2019-20 e outros 30 correspondentes ao curso 2020-21); e 6 Premios Egeria.

A cerimonia completarase co discurso do reitor e coa actuación musical de Xoan Curiel a dúo con Iria Estévez, que pecharán a celebración, como é tradicional, coa interpretación do himno da Universidade, ‘Gaudeamos Igitur’.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...