Axentes da Policía Nacional da Comisaría de Vigo detiveron a dous veciños da cidade, un home e unha muller, como presuntos autores dun delito de tráfico de drogas, tras ser sorprendidos con 26 gramos de cocaína oculta na zona do depósito de combustible.

Segundo informaron fontes policiais, os feitos ocorreron na madrugada do pasado sábado, cando unha dotación que facía labores de patrulla pola rúa Cantabria localizou un vehículo estacionado, ocupado por un home e unha muller en actitude sospeitosa.

Tras identificar á parella, os axentes inspeccionaron o coche e descubriron, escondido entre o tapón do combustible e a tapa exterior do depósito un envoltorio de plástico que contiña 26 gramos de cocaína. Así mesmo, entre as pertenzas dos dous sospeitosos, a Policía encontrou 65 euros en billetes fraccionados.

Por todo iso, procedeuse á detención de ambos e cando os trasladaron a dependencias policiais, onde se comprobou que teñen antecedentes. Os detidos e as dilixencias practicadas foron postos posteriormente a disposición do Xulgado de Instrución 7 da cidade.