Un home resultou ferido de consideración ao sufrir a caída dunha árbore nunha leira na que traballaba no municipio pontevedrés das Neves.

O 112 Galicia recibiu o aviso por parte dun particular sobre as 17,15 horas. Na chamada, indicaba que o propietario dunha leira onde estaba traballando necesitaba asistencia médica urxente despois de caerlle unha árbore na cabeza.

Así, o 112 Galicia avisou ao 061 e do GES de Ponteareas, así como a axentes da Garda Civil. Debido á gravidade da situación, os profesionais sanitarios optaron por mobilizar o helicóptero medicalizado con base en Ourense, que tomou terra no lugar.