Vigo rexistra, de novo, o maior incremento de casos activos de covid, un total de 1.587. Séguelle A Coruña e Cee (+996), Pontevedra e O Salnés (+671), Santiago (+617), Lugo (+531), Ourense (+293) e Ferrol (+241). Desta maneira, mantense como a área sanitaria con máis infeccións neste momento, que alcanzan as 17.489 persoas que comunicaron o seu caso ao Sergas.

Segundo os datos actualizados na mañá deste sábado pola Consellería de Sanidade con rexistros ata as 18,00 do venres, a presión hospitalaria alíviase una xornada máis na área de Vigo, que mantén 10 pacientes Covid en UCI pero rexistra 74 noutras unidades –tres menos–.

AUMENTAN OS CONTAXIOS

Pola súa banda, os novos contaxios de Covid-19 aumentan no conxunto de Galicia a 8.614, e os casos activos están a piques de alcanzar a marca de 70.000. Deste xeito, Galicia acumula desde o inicio desta pandemia 327.768 persoas contaxiadas por coronavirus, dos que 74.988 corresponden á área de Vigo; 69.500, á da Coruña; 49.402, á de Santiago; 41.184, á de Ourense; 39.003, á de Pontevedra; 33.899, á de Lugo; e 19.792, á de Ferrol.

Nas últimas 24 horas realizáronse 7.064 PCR, que eleva a 3.455.181 as feitas desde o inicio da pandemia; e 12.461 test de antíxenos, que suman 1.280.662, o que supoñen 19.525 probas efectuadas entre ambas. En canto á taxa de positividade en PCR –número de infeccións detectadas cada 100 test–, descende ata o 25,68%. Así, mantense moi por encima do limiar do 5% que fixa a Organización Mundial da Saúde (OMS) para dar por controlada a pandemia.