InicioVigo e contornaVigoDecretan prisión para o sospeitoso dun asasinato en Vigo

Decretan prisión para o sospeitoso dun asasinato en Vigo

O rapaz D.M.C, de 21 anos, foi atopado coa documentación dun home falecido por arma branca.

PUBLICADO O

A xuíza de Instrución número 5 de Vigo acordou este venres o ingreso en prisión comunicada e sen fianza de D.M.C., de 21 anos de idade e veciño de Monforte, detido o pasado martes pola súa presunta vinculación co asasinato dun veciño de Vigo, que foi localizado cun corte profundo no pescozo no seu domicilio da rúa Arenal.

Fontes xudiciais confirmaron a medida de prisión para o sospeitoso, investigado por asasinato (homicidio agravado), sen prexuízo de que durante a instrución se determine a posible comisión dalgún outro delito. O mozo pasou a disposición do xulgado na tarde deste venres e, compareceu ante a xuíza durante pouco menos dunha hora, aínda que non quixo prestar declaración, do mesmo xeito que xa fixera en Comisaría, onde tamén gardou silencio.

D.M.C. foi arrestado pola Garda Civil nun control de tráfico en Silleda, cando viaxaba nun vehículo con outras persoas. Ao identificalos, os axentes comprobaron que o mozo tiña no seu poder a documentación e cartóns de crédito dun veciño de Vigo, coas que realizara varias compras.

Tras avisar á Policía Local e Policía Nacional da cidade, estes puxéronse en contacto con familiares, que facilitaron o acceso dos axentes ao piso da vítima, no número 136 da rúa Arenal. Os funcionarios, ao entrar no domicilio, localizaron o corpo sen vida de Benito T.S., de 69 anos de idade, profesor xubilado, antigo edil socialista nas Neves e vinculado ao movemento sindical. O cadáver do falecido, que podería levar varios días na vivenda, presentaba feridas por arma branca, entre elas un profundo corte no pescozo, ademais de golpes na cabeza.

ÚLTIMAS

Abel Caballero celebrará un pleno extraordinario contra o “veto por ideoloxía” a varias relatoras nun programa da Deputación

O alcalde de Vigo, Abel Caballero, anunciou este venres que a próxima semana convocará un...

A Xunta Electoral arquiva unha denuncia do PP por declaracións de Hereu na súa visita a Redondela e Vigo

A Xunta Electoral de Galicia decretou o arquivo dunha denuncia formulada polo PPdeG en...

O Porto de Vigo pecha xaneiro como líder nacional en movemento de vehículos, con 55.801 unidades

O Porto de Vigo pechou xaneiro deste ano arrebatando o liderado en movemento de vehículos á...

O cadáver da muller achada nunha maleta presenta unha puñalada e aínda non puido ser identificada

A autopsia realizada ao cadáver da muller achada dentro dunha maleta nunha leira abandonada...