InicioSociedadeEstáncanse os casos covid na área de Vigo, mentres se disparan en...

Estáncanse os casos covid na área de Vigo, mentres se disparan en Galicia

Baixan tamén os hospitalizados.

PUBLICADO O

As cifras de contaxios e infeccións activas de covid-19 en Galicia baten marcas por terceiro día consecutivo. Así, nas últimas 24 horas, Galicia rexistrou 5.718 contaxios, mentres que a cifra de casos activos escala ata os 36.909. Unha cifra que o Sergas xa sabía e que Feijóo xa adiantou hai case un día. A presión hospitalaria tamén se incrementa lixeiramente, con 321 hospitalizados por coronavirus (oito máis). A taxa de positividade por PCR volve a repuntar e alcanza o 23,52%. Con todo, na área de Vigo, a situación semella manterse.

No que respecta ás novas infeccións, segundo os datos publicados este xoves pola Consellería de Sanidade –recolleitos ata as 18,00 do mércores–, a cifra de 5.718 implica bater a anterior marca de 4.559 casos deste mesmo mércores, 29 de decembro. De todos os positivos notificados na última xornada, a área de Vigo pasa á terceira posición en Galicia, tras Santiago e A Coruña, con 983 contaxiados novos, pero suma xa 9.345 casos activos (+651).

HOSPITALIZADOS

Se se observan as hospitalizacións, o Servizo Galego de Saúde (Sergas) contabilizaba este mércores ás 18,00 horas, un total de 321 pacientes covid ingresados, oito máis que o día anterior. De todos eles, 271 están en planta (nove máis) e 50 en unidades de coidados intensivos (un menos).

Con todo, a presión hospitalaria baixa en dúas das sete áreas sanitarias, entre elas, a de Vigo, con 66 pacientes en planta (cinco menos) e 14 en UCI (sen cambios).

ÚLTIMAS

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...

Case nove de cada dez usuarios da Asociación Érguete en Vigo comezou a consumir drogas antes dos 18 anos

Preto do 88% dos usuarios da Asociación Érguete en Vigo comezou a consumir drogas antes...

Abel Caballero celebra a chegada da moi alta tensión eléctrica á cidade: “É o que Stellantis e a cidade quería”

O alcalde de Vigo, Abel Caballero, celebrou este mércores o anuncio da aprobación no Consello...

Interceptan un dron non autorizado durante a carreira Vig-Bay en Baiona

A Garda Civil durante o Medio Maratón Gran Baía Vig-Bay, que se celebrou o domingo, interceptou no...