InicioVigo e contornaVigoCaballero seguirá adiante coa Cabalgata de Reis malia o aumento dos contaxios

Caballero seguirá adiante coa Cabalgata de Reis malia o aumento dos contaxios

O BNG acusa ao rexedor de estar empuxado por unha "necesidade de masas".

PUBLICADO O

- Advertisement -

O alcalde de Vigo, Abel Caballero, ratificou que se mantén a aposta por unha Cabalgata de Reis “dinámica”, en lugar de estática, pese ao incremento de contaxios por covid-19 na cidade, que este mércores rexistra unha incidencia acumulada a 14 días de 876 novos casos por cada 100.000 habitantes, 52,7 puntos máis que a xornada anterior.

“As decisións sobre sanidade e medidas covid-19 a toma a autoridade sanitaria e nós cumprímolas”, remarcou o rexedor tras ser preguntado por unha posible valoración da celebración dunha Cabalgata estática. “As normas permiten unha Cabalgata dinámica e ímola a facer”, resolveu Abel Caballero, que recoñeceu que se se modifican as medidas sanitarias procederase ao estudo das mesmas. Tamén explicou que se repartirán 4 toneladas de caramelos.

Por outra banda, indicou que se entregaron 1.500 carballos ás comunidades de montes de Vigo para que os planten na cidade. En concreto, repartíronse entre Teis, Beade, Saiáns, Coruxo, Candeán, Matamá, Valadares, Zamáns e a comunidade de montes de Vigo.

Noutra orde de cousas, o BNG chamou a axustar os eventos públicos do Nadal na cidade ante a elevada taxa de contaxios e urxiu a convocatoria do Comité de Seguimento Municipal da covid-19, así como reforzos na rede sanitaria pública por parte da Xunta. “É momento de responsabilidade, fronte á necesidade de masas que parece empuxar ao alcalde, nós apostamos por protexer a saúde”, aseverou o concelleiro nacionalista, Xabier P. Igrexas.

ÚLTIMAS

Un atuneiro dunha empresa viguesa, implicado nun naufraxio cun desaparecido nas Galápagos

O atuneiro 'Ría de Aldán', comprado o ano pasado pola viguesa Wofco, viuse implicado nun accidente...

Restablecen a circulación na ponte de Rande logo dun accidente múltiple que provocou retencións

A circulación na ponte de Rande quedou restablecida despois de algo máis dunha hora...

O AVE Vigo – Porto tardará 50 minutos, pero non se sabe cando estará operativo

Portugal prevé que a conexión en tren de Vigo ao Porto sexa de 50 minutos...

A Xunta intervirá Ambulancias del Atlántico con tres técnicos de Tragsa e xestionará a entrega de nóminas

Os sindicatos CIG, CC.OO. e USO informaron, nun comunicado conxunto, do achegamento de posturas...