InicioEconomíaPardo de Vera reafirma o compromiso co AVE Vigo-Madrid por Cerdedo tras...

Pardo de Vera reafirma o compromiso co AVE Vigo-Madrid por Cerdedo tras as “dúbidas” de “homes e mulleres grises”

Advirte de que non pode haber "oposición absoluta a calquera cousa" e que un "exceso" leva "ao ridículo"

PUBLICADO O

A secretaria de Estado de Transportes, Isabel Pardo de Vera, reafirmou este venres o compromiso do Goberno coa execución da chamada variante de Cerdedo para conectar por AVE Vigo e Madrid de forma directa (sen pasar por Santiago), ante as “dúbidas” suscitadas pola ausencia dese trazado na Estratexia Indicativa de Adif para os próximos 5 anos.

Así o trasladou, nunha rolda de prensa celebrada tras manter en Vigo unha reunión co alcalde, Abel Caballero. A secretaria de estado lamentou que “xusto cando os galegos temos un motivo de alegría e perspectiva de futuro co AVE, sempre hai alguén que busca como sexa atopar motivos para amargárnola”.

Respecto diso, subliñou que Vigo e a súa área, que son “un polo estratéxico”, contan co compromiso do Goberno para a conexión por AVE e “é lexítimo que o potencial de Vigo siga crecendo e que o Goberno se comprometa nese crecemento”. “Non máis dúbidas, por favor”, resolveu.

Segundo lembrou Isabel Pardo de Vera, o estudo hidroxeolóxico da variante de Cerdedo está na súa fase final, despois de que o actual Goberno rescatase o proxecto, e criticou que “se pon en cuestión” precisamente nun momento de “alegría e optimismo”, cando Galicia está a estrear a súa conexión por alta velocidade coa Meseta.

Trouxemos o AVE a Galicia, pero faltan actuacións de calado en Vigo, que só se desbloquearon neste momento”, apuntou, en referencia á variante de Cerdedo, a saída sur, ou á inauguración do centro Vialia na cidade olívica. Por iso, pediu que “non se contaminen actuacións xa terminadas con actuacións en marcha” e “que non haxa dúbidas sobre isto”.

O alcalde de Vigo, Abel Caballero, trasladou a súa “satisfacción” ao termo da reunión, porque as actuacións do Goberno sitúan á cidade “nun eixo central”. Así, volveu a insistir en que o peso da área viguesa faina “inexcusablemente merecedora” da conexión pola variante de Cerdedo.

“EXCESO DE OPOSICIÓN” QUE LEVA AO “RIDÍCULO”

A secretaria de Estado de Transportes insistiu en que o actual Goberno trouxo ” o AVE a Galicia, algo que parecía imposible” e que, “aínda así, segue habendo sombras escuras que buscan motivos para quitarlle o orgullo aos galegos”, nunha mensaxe dirixida ao goberno galego e ao PPdeG.

“Isto, de verdade, non contribúe, non serve para construír e para liderar o noso mellor futuro, que o temos e moito. Non podemos facer oposición absoluta de calquera cousa, mesturando actuacións terminadas con proxectos en execución. Vexo xente obsesionada con cada detalle do que se fai en Madrid, sobre calquera tema, buscando a crítica como sexa, tentando dicir como se fan as cousas, ou adxudicándose méritos que non lles corresponden”, proclamou.

PONFERRADA-VIGO-A CORUÑA

Por outra banda, e a preguntas dos medios, a secretaria de Estado referiuse ao eixo Ponferrada-Vigo-A Coruña, que “entra dentro do Corredor Atlántico”, recoñecido recentemente pola UE como corredor transeuropeo, e lembrou que se está elaborando un plan de loxística, no que aínda se está traballando nas conexións ferroportuarias.

ÚLTIMAS

Gonzalo Caballero proposto polo PSOE de Vigo como candidato galego ás europeas

A asemblea do Partido Socialista de Vigo propuxo ao que fora secretario xeral do PSdeG, Gonzalo Caballero,...

Claudio Giráldez renova como adestrador do Celta ata xuño de 2025

O adestrador galego Claudio Giráldez renovou este xoves o seu contrato como técnico do RC...

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...

Case nove de cada dez usuarios da Asociación Érguete en Vigo comezou a consumir drogas antes dos 18 anos

Preto do 88% dos usuarios da Asociación Érguete en Vigo comezou a consumir drogas antes...