InicioPolíticaRubén Pérez, reelixido coordinador local de Esquerda Unida en Vigo

Rubén Pérez, reelixido coordinador local de Esquerda Unida en Vigo

O concelleiro de Marea de Vigo destacou o papel da esquerda e de axentes sociais, sindicatos e veciñanza na aposta polo municipalismo.

PUBLICADO O

- Advertisement -

O concelleiro de Marea de Vigo Rubén Pérez foi reelixido como coordinador local de Esquerda Unida (EU) na cidade olívica durante unha asemblea celebrada este venres na que tamén se renovaron os órganos de dirección.

Nesta asemblea local –a primeira celebrada de modo presencial desde o inicio da pandemia– tamén participou a coordinadora nacional de EU, Eva Solla, quen destacou que as direccións municipais están a renovarse ao longo de outono unha vez celebrada a Asemblea Nacional, a nivel autonómico, o pasado xullo.

Neste contexto, Solla analizou o impacto da covid-19 na actividade política e trasladou as liñas da organización nun mandato que “estará marcado polo traballo no ámbito municipal”, espazo no que Esquerda Unida no conxunto do Estado “é tradicionalmente unha forza con gran implantación” a través de centos de concelleiros.

Pola súa banda, Rubén Pérez, de novo coordinador de EU en Vigo, destacou o papel da esquerda e de axentes sociais, sindicatos e veciñanza na aposta polo municipalismo, ao organizar “espazos comúns de representación política e institucional nun momento de desmobilización” pola pandemia e a crise económica derivada.

Neste sentido, subliñou o protagonismo dos concellos como “institucións máis próximas” á veciñanza, que “tivo e ten un papel clave na recuperación económica dos municipios”. A asemblea viguesa do venres recibiu os saúdos do Partido Comunista de Galicia e da organización local de Podemos.

ÚLTIMAS

O Celta-Xetafe desta fin de semana, de alto risco

A Comisión Permanente da Comisión Estatal contra a Violencia, o Racismo, a Xenofobia e...

Caballero reclama á Deputación de Pontevedra 6,25 millóns en investimentos

O alcalde de Vigo, Abel Caballero, insistiu en reclamar á Deputación de Pontevedra investimentos...

Ordenan prisión para o home que quixo queimar a casa da súa exmuller en Tomiño coa súa filla dentro

O xulgado de instrución número 1 de Tui acordou o ingreso en prisión provisional,...

Arremeten contra unha xornalista no terceiro intento de desaloxo da casa ocupada na rúa Pardavila

Unha muller que estaba a ser desaloxada dunha casa ocupada desde hai anos en...