O Concello de Vigo outorgará a Medalla da Cidade á deportista Susana Rodríguez Gacio, un recoñecemento que se sumará ao xa anunciado para os servizos esenciais que mantiveron o seu funionamiento durante a pandemia da covid-19.
Nunha rolda de prensa celebrada este venres, o alcalde da cidade olívica, Abel Caballero, avanzou que o acto de entrega das medallas da cidade e os recoñecementos Vigueses Distinguidos, que se suspendeu o pasado mes de marzo pola pandemia, terá lugar o próximo 15 de novembro no Auditorio Mar de Vigo.
Neste contexto, enxalzou a traxectoria da tripla campioa mundial de tríatlon adaptado e que, ao seu xuízo, conta con “unha dimensión humana inmensa”. Así, explicou que se lle entregará este galardón a Rodríguez Gacio ante a súa “capacidade de actuar” e “estar á beira dos que o necesitaban”, así como a súa “acción referente” a nivel internacional.
Ademais, lembrou que a Medalla da Cidade tamén recoñecerá o funcionamento de servizos esenciais, como farmacias, supermercados e transportes, durante a pandemia. Paralalemente, entregaranse os premios Vigueses Distinguidos ao persoal do departamento de Benestar Social do Concello, os mercados municipais, a Fundación Casa Caridade de Vigo-Fogar San José, a Misión do Silencio, o comedor do albergue social e a Asociación de Freixeiro de Axuda ao Necesitado (Afán).
Así mesmo, recoñecerase como vigueses distinguidos ao escritor Francisco Castro, o medallista olímpico Nicolás Rodríguez, o exconcelleiro Antonio Coello e o xornalista radiofónico Antonio Estévez, ademais da os centros educativos que cumpriron 50 anos.
Así, o presidente de Delta Vigo, Francisco Puga, lerá o Bando da Reconquista 2021 no marco do acto, que tamén incluirá a celebración do Día de Galicia, suspendida o pasado verán pola meteoroloxía, e contará coa intervención do CEO do grupo Zendal, Andrés Fernández.
