A planta do grupo de automoción Stellantis en Vigo (antes PSA Peugeot Citroën) suspenderá parte da súa actividade na quenda de noite deste venres, debido aos problemas de aprovisionamento. A dirección da factoría comunicou ao persoal que a quenda de noite do sistema 2 (o que monta as furgonetas e monovolúmenes) non traballará este venres pola falta de compoñentes derivada da chamada crise dos semiconductores ou ‘microchips’.

De feito, estes problemas estiveron provocando paradas intermitentes na produción da fábrica desde hai meses e a última suspensión de actividade tivo lugar precisamente hai unha semana. Entón a parada afectou a todas as quendas dos dous sistemas de produción.

A ‘crise dos microchips’ levou á fábrica a suspender temporalmente a quenda de fin de semana na liña de montaxe 2, así como á aplicación dun ERTE que estará en vigor ata final deste ano.