Renfe reforzou con máis de 800 prazas os trens que unen A Coruña e Vigo durante este fin de semana con motivo da apertura do centro comercial Vialia na cidade olívica.

Segundo detalla nun comunicado o operador ferroviario, este fin de semana, o primeiro no que estará aberto o centro comercial tras a súa inauguración o pasado mércores, os servizos do corredor atlántico contarán con 855 prazas máis.

Renfe indica que este reforzo se suma ás case 3.000 prazas adicionais da liña A Coruña-Vigo durante o curso académico, que se desarollan entre o venres e o domingo, períodos de maior mobilidade entre os estudantes.