InicioSucesosO vigués que atropelou unha muller cun ciclomotor e se deu á...

O vigués que atropelou unha muller cun ciclomotor e se deu á fuga non tiña carné

Está acusado dun delito contra a seguridade viaria.

PUBLICADO O

A Garda Civil investiga a un home de 42 anos domiciliado en Vigo por darse á fuga tras atropelar unha muller na PO-552, ao seu paso por esta cidade, mentres circulaba nun ciclomotor. Fontes da Benemérita detallaron que os feitos tiveron lugar o pasado 23 de xullo, cando axentes do Destacamento de Tráfico do Porriño tiveron coñecemento de que unha muller fora atropelada por un ciclomotor e de que o condutor se deu á fuga.

Tras efectuar varias xestións, o pasado venres localizouse ao condutor causante do atropelo, así como o ciclomotor no que viaxaba cando atropelou á muller. Ademais, comprobouse que carecía de permiso de condución. Por este motivo, os axentes investigaron a este home por un suposto delito contra a seguridade viaria por conducir un vehículo a motor sen obter nunca permiso de conducir e outro por abandono do lugar do accidente.

Finalmente, as dilixencias entregáronse no xulgado de garda de Vigo e formuláronse dúas denuncias administrativas por carecer do seguro obrigatorio o ciclomotor e atoparse caducada a ITV.

DETENCIÓNS

Axentes da Policía Local de Vigo detiveron nas últimas horas a dous homes sobre os que pesaban sendas ordes xudiciais de procura, arresto e posta a disposición dos xulgados Segundo informaron fontes policiais, a primeira intervención tivo lugar sobre as 7,00 horas deste martes, cando o 092 recibiu unha chamada desde un hotel na rúa Vázquez Varela, alertando de que un home ebrio, que non estaba hospedado no establecemento, tentaba acceder ao mesmo.

Unha patrulla desprazouse á zona e interceptou ao sospeitoso. Ao identificalo, resultou ser J.G.B., de 46 anos de idade e natural de Moaña, e os axentes comprobaron que tiña en vigor unha requisitoria xudicial emitida por un xulgado de instrución de Pontevedra, polo que foi detido. Horas despois, de madrugada, a Policía recibiu un aviso para acudir a un parque infantil na rúa Coutadas, onde un grupo de persoas estaban a facer ‘botellón’ e impedindo o descanso dos veciños.

Unha vez no lugar e ao identificar os presentes, os axentes comprobaron que un deles era M.G.A.C., do Porriño e de 33 anos de idade. Ao cotexar os seus datos, constataron que tiña en vigor unha orde de procura, detención e personación, polo que foi arrestado.

ÚLTIMAS

Condenados a 5 e 4 anos de cárcere os dous acusados de dar unha malleira a dous mozos na rúa Hernán Cortés de Vigo

A sección quinta da Audiencia Provincial de Pontevedra, con sede en Vigo, condenou aos...

Deteñen en Vigo un home por agredir ao seu fillo de 13 anos cun cinto e unha botella de plástico

Un home, P.A.V.S. de 43 anos de idade, foi detido na tarde deste pasado...

Os traballadores de Vitrasa protestan durante o acto da Constitución e Caballero sae escoltado por Policía Nacional

Os traballadores de Vitrasa, concesionaria do bus urbano de Vigo, trasladaron este martes as...

Máis de mil vigueses xa teñen representación no caso do Cártel dos Coches con 40.000 afectados en Galicia

A oficina de Vigo do despacho BGI LAW representa xa a máis de 1.000...