Axentes da Policía Local de Vigo e efectivos do servizo de bombeiros da cidade rescataron a unha veciña de 39 anos de idade que quedou atrapada cando unha cama abatible lle caeu encima, golpeándolle a cabeza e fracturándolle un brazo.

Segundo informaron fontes policiais, os feitos ocorreron o pasado sábado pola mañá, cando diversas testemuñas se puxeron en contacto co 092 para alertar de que estaban a escoitar berros de socorro nun piso da rúa Teixugueiras, no barrio de Navia.

Unha dotación trasladouse á zona e localizou o inmoble de onde procedían os berros pero, ante a imposibilidade de entrar no domicilio, os axentes avisaron os bombeiros, que lograron acceder ao interior da vivenda a través dunha xanela, usando unha escaleira mecánica.

No piso atopábase a muller, atrapada baixo a cama abatible, que se soltou da súa ancoraxe na parede e caer encima, deixándoa inmobilizada e con feridas. Unha vez liberada, a muller foi trasladada en ambulancia ao hospital Álvaro Cunqueiro da cidade olívica, cunha ferida aberta na cabeza e co brazo dereito fracturado.