Un home tivo que ser rescatado tras caer e danar unha man mentres realizaba unha ruta de sendeirismo no lugar da Fraga, en Moaña (Pontevedra). Foi o propio accidentado o que facilitou ao 112 a súa coordenadas vía Whatsapp para que enviasen socorro.

Tal e como informou o servizo de emerxencias, o ferido avisou da súa situación uns minutos antes das 10,45 horas. Así, para poder proporcionar a localización exacta do accidente aos servizos de emerxencia, os xestores do 112 Galicia solicitaron as súas coordenadas a través do servizo de mensaxes instantáneas de Whatsapp.

Nada máis recibir esta información, desde o CIAE 112 Galicia pasouse o aviso ao Servizo de Urxencias Sanitarias de Galicia-061, á Policía Local, á Agrupación de Voluntarios de Protección Civil de Moaña e á Garda Civil.

Segundo a información recollida no 112 Galicia, o home foi localizado ás 11,45 horas e recibiu asistencia por parte dos servizos sanitarios.