O concerto de Ginebras previsto para o pasado venres no marco do festival Vive Nigrán que se celebraba na localidade homónomina e que foi suspendido pola detección dun caso de covid-19 celebrarase o 28 de agosto en Vigo.
Segundo trasladaron os organizadores do evento, o concerto do grupo terá lugar o próximo 28 de agosto na terraza do Auditorio Mar de Vigo.
Os abonos e as entradas do venres 16 de xullo serán válidas para a nova data, aínda que será preciso confirmar a asistencia nun prazo de 10 días por correo electrónico na dirección de Ataquilla. Tamén poderá solicitarse a devolución da parte proporcional do concerto de Ginebras por e-mail nun prazo de 10 días.
En concreto, o concerto fora previsto para o pasado venres no marco do festival que se celebraba xunto a praia América, pero a detección dun caso de covid-19 no equipo supuxo a súa cancelación. Así, o cartel desa xornada, na que actuou Natalia Lacunza, completouse coa artista arxentina afincada en Vigo Babykatze.
