Un motorista de 41 anos, S.C.D., faleceu este sábado nunha colisión contra un coche na estrada N-550 ao seu paso polo municipio de Redondela (Pontevedra).

Segundo informa o 112 Galicia, no accidente resultaron feridas as dúas ocupantes do turismo, unha dos cales necesitou ser excarcerada por medios de intervención. O 061 indica que se trata de dúas mulleres de 23 e 26 anos.

Varias testemuñas chamaron pouco antes das 17,00 ao 112 para avisar dun choque entre unha moto e un vehículo no punto quilométrico 141 da N-550. Foron avisados, entre outros, Bombeiros do Porriño, axentes da Garda Civil de Tráfico, Policía Nacional de Redondela, o 061 –desprazáronse tres ambulancias– e servizos de mantemento de estrada.

O motorista faleceu no punto, mentres que os dous feridos foron trasladados ao Hospital Álvaro Cunqueiro de Vigo.