InicioEconomíaA planta de Stellantis Vigo volverá parar na noite do xoves por...

A planta de Stellantis Vigo volverá parar na noite do xoves por falta de subministracións

A 'crise dos microchips' segue alterando a produción. A previsión é que as dificultades se prolonguen.

PUBLICADO O

A planta do grupo Stellantis (antes PSA Peugeot Citroën) en Vigo volverá parar a súa actividade este xoves debido aos problemas de aprovisionamento provocados pola chamada ‘crise dos microchips’.

Segundo trasladou a dirección da factoría ao comité este mércores, debido a eses problemas suspenderase a produción na quenda de noite deste xoves. Esta incidencia súmase ás paradas que tivo que facer a planta viguesa de forma continua desde principios de ano e, de feito, na pasada semana apenas houbo un día de actividade normal.

O director da planta viguesa, Ignacio Bueno, mantivo este mércores un encontro cos representantes dos traballadores para informarlles da situación e para advertirlles de que os problemas de subministración pódense prolongar.

De feito, nunha nota interna, a empresa lembra que esta ‘crise’ está a afectar a plantas españolas, europeas e do resto do mundo. Respecto diso, apuntou que esta “situación excepcional” obriga a axustar a actividade do grupo “diariamente”, en función das demandas produtivas e dos compoñentes que en cada momento estean en crises.

Segundo a empresa, “resulta fundamental atender os pedidos dos clientes e manter a actividade produtiva do centro tratando de protexer a eficiencia, a competitividade e tamén o emprego”, e recalcou que a información case en tempo real das paradas ou reaxustes nas xornadas de trabjo son “efectos inducidos e irremediables”, polos que pediu a “máxima comprensión”.

A empresa tamén trasladou que a previsión é que as dificultades se prolonguen.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...