Sete persoas resultaron feridas nunha colisión múltiple na que se viron implicados cinco turismos e un camión, á altura do municipio de Mos.

O sinistro rexistrouse sobre as 14,30 horas, á altura do punto quilométrico 14 da A-55 en sentido Tui. O 112 trasladou o aviso ao 061, Bombeiros do Porriño e ao Servizo Municipal de Emerxencias de Mos.

En total, sete persoas resultaron feridas de carácter leve, polo que foron trasladadas ao Hospital Fátima. Así mesmo, alertouse aos axentes da Garda Civil de Tráfico, da Policía Local e ao servizo de mantemento das estradas e Protección Civil de Mos.