O Servizo Galego de Saúde (Sergas) prosegue cos cribados poboacionais para detectar casos de Covid-19 e entre este mércores e xoves ofrecerá probas PCR a persoal e usuarios dos mercados de Vigo.
Segundo informou a área Sanitaria de Vigo nos próximos dous días varios equipos de profesionais sanitarios desprazaranse aos mercados da cidade olívica para ofrecer a realización de probas PCR tanto ao persoal que traballa neles como aos usuarios que acudan a realizar as súas compras.
Deste xeito, este mércores, 5 e maio, realizarase o cribado nos mercados de O Progreso e Teis, mentres que o xoves día 6 as probas terán lugar nos de O Calvario e As Travesas.
CRIBADO EN LAZA
Por outra banda, a área sanitaria de Ourense destacou que no cribado realizado no municipio de Laza con 307 mostras recollidas saldouse cun 76,75 por cento de participación.
Neste caso o cribado de Laza, ao que estaban convocadas 400 persoas de entre 16 e 74 anos este luns pola tarde, non detectou casos positivos de Covid-19 entre as probas realizadas.
O municipio de Laza permanece desde este pasado luns pechado perimetralmente e ten prohibidas as reunións de non convivientes e a hostalaría só pode funcionar con servizo para levar ou entrega a domicilio, ao atoparse en nivel de restricións máximas debido á súa situación epidemiolóxica.
