Farmacovixilancia da Axencia Española do Medicamento investiga o caso dunha muller de 63 anos de idade ingresada no Hospital Álvaro Cunqueiro de Vigo tras sufrir un trombo despois de ser vacinada fronte á Covid-19 co preparado de AstraZeneca.
Así o confirmaron fontes da área Sanitaria de Vigo, que sinalaron que a muller permanece hospitalizada no Álvaro Cunqueiro e “evoluciona ben”.
Segundo esas fontes, a muller, que estaba sa, ingresou o pasado mércores tras sufrir unha baixada repentina de plaquetas despois de recibir a vacina de AstraZeneca.
Desde o seu ingreso o mércores, tras o que apuntaron inicialmente a un hematoma suprarrenal, posteriormente este luns confirmáronlle á paciente que sufrira un trombo.
Agora o seu caso permanece en estudo por parte de Farmacovixilancia da Axencia Española do Medicamento, confirmaron por parte da área sanitaria viguesa.
