InicioMedio Ambiente e PatrimonioAs mareas condicionan a distribución de microplásticos emitidos por depuradoras

As mareas condicionan a distribución de microplásticos emitidos por depuradoras

O estudo foi realizado pola UVigo e a de Aveiro en Portugal.

PUBLICADO O

Un estudo desenvolvido por investigadores das universidades de Vigo e Aveiro (Portugal) e do Centro Oceanográfico de Vigo do Instituto Español de Oceanografía (IEO) sostén que as mareas condicionan a distribución dos microplásticos que emiten as depuradoras.

Este traballo, que foi publicado recentemente en revístaa ‘Marine Pollution Bulletin’, baséase en datos obtidos sobre o transporte e a acumulación de microplásticos emitidos a través das estacións depuradoras de augas residuais (EDAR) na Ría de Vigo.

Segundo informou a Universidade de Vigo (UVigo), esta investigación estima que as centrais de tratamento de augas residuais son “a principal fonte de microplásticos en zonas costeiras, debido ao lavado de pezas cun alto contido en fibras plásticas”.

Os investigadores simularon con partículas virtuais as traxectorias seguidas polos microplásticos a partir do sete depuradoras existentes na Ría. Así, “a maior concentración de microplásticos modelizada” foi observada na costa sur da ría viguesa, concretamente preto de Samil, en Vigo, “sendo practicamente inexistente en áreas do interior da ría”.

De acordo co traballo, con mareas vivas ao redor dun 20 por cento dos microplásticos emitidos na ría “chegarían ao océano aberto”, un 24 por cento quedarían “nas proximidades das Illas Cíes, e o restante repartiríase ” polo conxunto da ría”. En caso de mareas mortas, a cantidade de microplásticos exportados ao océano aberto e as Illas Cíes sería “insignificante”.

Desta forma, detectouse que “o estado da marea no instante de emisión de microplásticos é fundamental para coñecer o seu posterior transporte e determinar as zonas de acumulación”. A partir diso, os investigadores indicaron que se poderán “mellorar as estratexias de emisión co fin de minimizar o seu impacto no interior da ría”.

ÚLTIMAS

Gonzalo Caballero proposto polo PSOE de Vigo como candidato galego ás europeas

A asemblea do Partido Socialista de Vigo propuxo ao que fora secretario xeral do PSdeG, Gonzalo Caballero,...

Claudio Giráldez renova como adestrador do Celta ata xuño de 2025

O adestrador galego Claudio Giráldez renovou este xoves o seu contrato como técnico do RC...

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...

Case nove de cada dez usuarios da Asociación Érguete en Vigo comezou a consumir drogas antes dos 18 anos

Preto do 88% dos usuarios da Asociación Érguete en Vigo comezou a consumir drogas antes...