InicioSociedadeVigo suma 40 novos contaxios e mantense como a segunda área máis...

Vigo suma 40 novos contaxios e mantense como a segunda área máis afectada de Galicia

Seis persoas seguen na UCI e baixan a 30 os pacientes Covid ingresados noutras unidades --tres menos--.

PUBLICADO O

- Advertisement -

A presión hospitalaria mantén a tendencia descendente en Galicia tras reducirse a 173 os pacientes Covid ingresados en toda a Comunidade galega –15 menos–, aínda que hai un máis en UCI, e, tras tres xornadas de aumento paulatino, os novos contaxios caeron a 132, así como os casos activos, que baixaron a 2.185.

Segundo os rexistros actualizados na mañá deste xoves pola Consellería de Sanidade con datos ata as 18,00 horas deste mércores, concretamente na área de Vigo mantéñense seis persoas en UCI e baixan a 30 os pacientes Covid ingresados noutras unidades –tres menos–. No que respecta aos casos activos, baixan nun total de 23 e sitúase de novo como a segunda área máis afectada con 600 casos activos, xusto despois da Coruña. Os contaxios na área viguesa suman 40 máis na última xornada.

Pola súa banda, a taxa de positividade a nivel galego, tras ter repuntado a un catro por cento no inicio da semana, mantense como a xornada pasada nun 2%, polo que segue por baixo do 5% que a Organización Mundial da Saúde (OMS) fixa para dar por controlada a pandemia.

FALECIDOS E CURADOS

Ata o momento a pandemia deixa en Galicia 2.363 persoas falecidas diagnosticadas de Covid-19 despois de notificar a Consellería de Sanidade este mércores a morte doutros tres. En concreto, os óbitos corresponden a un home de 95 anos ingresado no complexo hospitalario de Vigo e dúas mulleres de 79 e 87 anos no complexo de Ferrol e no de Pontevedra, respectivamente. Os tres presentaban patoloxías previas. Mentres, ata o momento curáronse da Covid-19 un total de 113.554 pacientes no conxunto de Galicia, o que supón 177 máis que os rexistrados ata a xornada anterior.

ÚLTIMAS

Stellantis Vigo e sindicatos acordan un ERE voluntario para un máximo de 80 traballadores e un ERTE de ata 75 xornadas

Tras varias xornadas de negociacións, a dirección da planta viguesa do grupo automobilístico Stellantis...

Luisa Sánchez chama á unidade do PP vigués: “Non seremos a alternativa mentres sigamos dubidando de nós mesmos”

AA candidata a liderar o PP vigués Luisa Sánchez prometeu a militantes unha "política...

Un detido e varios médicos investigados por unha trama que traficaba drogas e medicamentos

A Garda Civil detivo na madrugada deste xoves a unha persoa e investiga a...

Deteñen un mozo en Vigo por ir sen casco nun patinete, falando polo móbil e agredir a un axente

Un mozo, S.F.C. de 24 anos de idade, foi detido en Vigo na tarde...