InicioEconomíaA CIG pide facer de Barreras un estaleiro "público ou semipúblico" para...

A CIG pide facer de Barreras un estaleiro “público ou semipúblico” para asegurar o seu futuro

O sindicato fala de "falta de seriedade do proxecto empresarial dos actuais propietarios de Barreras".

PUBLICADO O

- Advertisement -

A CIG comunicou que iniciará unha campaña de accións para reclamar á Xunta e ao Goberno estatal “unha intervención pública directa” que asegure o futuro de Barreras, o que, na súa opinión, pasa por “pór en marcha un estaleiro público ou semipúblico”.

Así o trasladou este martes o secretario comarcal da CIG de Vigo, Alberto Gonçalves, que esixiu ás Administracións que “non miren para outro lado” senón que actúen “ante as incertezas e a falta de seriedade do proxecto empresarial dos actuais propietarios de Barreras“.

“Hoxe é máis evidente que nunca o deixamento total do capital privado e a súa nefasta xestión”, insistiu o portavoz sindical, que indicou que, neste marco, a CIG vai iniciar unha axenda de mobilizacións para pedir accións fronte a “a irresponsabilidade do empresario de quenda que pon en perigo o futuro de todo un sector”.

Neste sentido, mantivo que “a solución non pode seguir sendo inxectar millóns e millóns de euros en forma de avais e financiamento”, posto que, asegurou, “ao final non garanten a actividade nin serven para garantir que Barreras cumpra coas obrigas coa industria auxiliar e o seu persoal”.

“GRAVE SITUACIÓN”

Gonçalves trasladou a súa “enorme preocupación pola grave situación” na que se atopa o estaleiro, xa que, despois de que o cruceiro ‘Evrima’ partise cara a Santander sen que haxa “data concreta de regreso”, “os traballadores non teñen ningunha carga de traballo e todo o persoal das empresas auxiliares abandonaron o estaleiro“.

“Estamos a confirmar os peores presaxios, verificando que a opaca operación de cambio de propietarios e dirección do estaleiro promovida por The Ritz Carlton era unha saída en falso”, insistiu. Nesta liña, engadiu que “non hai garantías de carga de traballo e, por tanto, tampouco de emprego directo e indirecto”.

Ante todo iso, subliñou que non se pode “permitir que Barreras corra a mesma sorte que correu Vulcano”. “Hai que garantir si ou si a súa continuidade, para blindar o futuro do naval en Vigo como sector fundamental” da comarca, selou.

ÚLTIMAS

Investigadas 10 persoas por un delito de falsidade documental en Pontevedra

A Garda Civil investiga a un total de 10 persoas como presuntos autores dun...

Arden cinco gabarras na zona industrial de Saxamonde en Redondela

Por fortuna, aínda que o lume estivo preto dunha nave industrial, esta non se...

Transportes prepara a licitación do tramo de AVE O Porriño-Tui e declara “prioritaria” a saída Sur de Vigo

O Ministerio de Transportes e Mobilidade Sustentable avanzou que está "a traballar na preparación...

A UVigo presenta o seu proxecto de metaverso para os seus tres campus

A Facultade de Comunicación do Campus de Pontevedra acolleu este martes a presentación do...