InicioVal MiñorBaionaDetectados 19 positivos en varios cribados na área de Vigo

Detectados 19 positivos en varios cribados na área de Vigo

Participaron máis de 6.500 persoas.

PUBLICADO O

O Sergas informou este xoves da detección de 19 casos positivos de COVID en varios cribados realizados en Vigo e outros concellos da súa área, nos que participaron máis de 6.500 persoas.

Así, no cribado realizado no IES Álvaro Cunqueiro de Vigo, foron citadas 675 e participaron nas probas 553 (un 81,9 %), e non se detectou ningún caso positivo; mentres, no IES Alexandre Bóveda, tamén na cidade olívica, fíxose un cribado entre 736 (un 81 % do total de citados, que foron 908) e detectáronse 7 persoas contaxiadas.

Por outra banda, no concello de Baiona citouse a 2.000 persoas e realizáronse o test un total de 961 (un 48 %), entre os que non se detectou ningún caso de COVID.

En Nigrán, foron convocados outros 2.000 veciños e fixéronse as probas 1.043 (o 52 %), cun resultado de dous positivos.

En Gondomar foron cribadas 1.132 persoas dun total de 2.000 convocados e non se detectaron casos positivos; mentres que en Tui, dos 2.000 citados acudiron 1.246 (un 62,3 %) e detectáronse dous casos.

Finalmente, en Tomiño participaron 871 persoas no último cribado (de 2.000 citados) e detectáronse 8 positivos.

Sanidade confirmou que se seguirán repetindo os cribados poboacionais e que, nestes días, está a convocarse a 4.000 veciños de Cangas para que acudan aos COVID-Auto dos hospitais este fin de semana. Así mesmo, a próxima semana convocarase para un cribado a 2.800 persoas do concello de Moaña.

ÚLTIMAS

Feministas católicas sean este domingo ás rúas de Vigo para reclamar que as mulleres teñan “voz e voto” na Igrexa

Feministas católicas da Revolta de Mulleres na Igrexa sairán este domingo 3 de marzo ás...

Remolcan ao porto de Vigo ao portacontedores ‘MSC Katyanyi’

O portacontedores 'MSC Katyayni,', que navega baixo bandeira de Panamá, está a ser remolcado...

Rueda reivindica a Arribada de Baiona para a desestacionalización do turismo en Galicia

O presidente da Xunta en funcións, Alfonso Rueda, destacou este venres a importancia de...

Miguel Martín asume a portavocía do grupo municipal do PP en Vigo, tras a saída de Fernández-Tapias

O grupo municipal do PP no Concello de Vigo designou a Miguel Martín como...