Os comités de Industria e Automoción do Ilustre Colexio Oficial de Enxeñeiros Industriais de Galicia manifestou que a área de Vigo “é un emprazamento idóneo” para a instalación dunha fábrica de baterías para vehículos eléctricos para España e Portugal.

O Colexio puxo en valor que Galicia “dispón da materia prima, o litio, e dunha armazón de grupos de investigación e empresas ligadas á automoción que están a desenvolver e fabricando vehículos eléctricos, sendo a máis significativa Citroën”.

A iso engadiu que a zona “ademais dispón dunha potente infraestrutura loxística, económica, social e empresarial“, incluído o tecido de automoción do norte de Portugal e os centros de investigación de Vigo e Ourense, o “que xeraría sinerxías moi importantes para unha factoría destas características”.