Un home resultou ferido tras precipitarse por unha altura de catro metros ata unhas pedras despois de que cedese unha varanda no paseo marítimo de Bouzas.

Diso informa o CIAE 112 Galicia, que tivo coñecemento do caso ao redor das 13,30 horas pola chamada de varias persoas que solicitaban axuda para o home, que, tras caer, quedou nunha zona rochosa.

Segundo estes testemuños, a caída produciuse ao romper unha varanda do paseo marítimo. Unha vez rescatada, a vítima foi trasladada a un centro de saúde.