A área sanitaria de Vigo confirmou este xoves a realización dun cribado entre o persoal e os alumnos do IES Politécnico, en busca de casos asintomáticos de COVID-19.

Segundo informaron fontes do Sergas, as probas realizaranse este venres, e citouse a unhas 1.500 persoas, entre traballadores e estudantes. Neste centro educativo hai confirmados, segundo notificou a Xunta este xoves, 11 casos activos de COVID.

Ademais deste instituto, Sanidade xa fixo cribados noutros centros da cidade, como no Colexio Apóstolo Santiago-Xesuítas, onde actualmente hai 9 casos; e no Centro Integrado de Formación Profesional Manuel Antonio, en decembro pasado, onde se detectaron 13 positivos (actualmente hai 4 estudantes con COVID).