O Centro de Acollida e Protección de Animais da Deputación de Pontevedra quixo compartir este sábado o final feliz da historia de ‘Muti’, unha cadela mestiza de seis meses que foi recollida moi enferma en Caldas hai dous meses e que, tras sufrir a amputación dunha pata, foi adoptada por unha familia en Vigo.
‘Muti’ entrou no centro o 15 de novembro, tras ser rescatada na parroquia de Godos. Tiña unha fractura aberta nivel do cóbado esquerdo, con infección e miasis (debido a que levaba tempo coa lesión), ademais de varias feridas repartidas por todo o corpo. Estaba chea de parasitos e moi delgada. De feito, debido á gravidade da fractura, os veterinarios do CAAN tiveron que amputarlle a extremidade.
Unha vez recuperada, foi esterilizada e identificada con microchip, e esta mesma semana foi adoptada por unha familia de Vigo, onde xa ten o seu novo fogar. Con ‘Muti’ son xa once os cans do centro de acollida da Deputación que foron adoptadas no que vai deste primeiro mes do 2021.
