Os efectivos de Urxencias Sanitarias 061 atenderon a catro persoas que resultaron afectadas por un incendio que calcinou o salón dunha vivenda situada nun edificio de seis plantas da Avenida de Castrelos, en Vigo.
O incidente tivo lugar ao redor das 11,30 horas deste domingo. As chamas declaráronse no interior dun dos pisos situados na primeira planta do edificio, aínda que o fume afectou a todas as vivendas ata o cuarto piso.
Ata o lugar mobilizáronse membros da Policía Local e efectivos dos bombeiros de Vigo, que sufocaron as chamas e continuaron ventilando o edificio.
Debido ao incidente, que fixo que os veciños abandonasen o inmoble, catro persoas foron atendidas polos profesionais de Urxencias Sanitarias 061