Dúas persoas resultaron feridas despois de verse implicadas nun accidente ao seu paso pola localidade pontevedresa de Mos, segundo informa o 112 Galicia.

De acordo co aviso recibido no servizo de emerxencias, sobre as 22,15 horas da pasada noite, un dos vehículos saíuse da vía cando circulaba pola A-55, á altura do punto quilométrico 13, en Sanguiñeda, e, nese instante, outro vehículo que circulaba pola mesma vía chocou contra o accidentado.

Desde o 112, informouse o Servizo de Urxencias Sanitarias de Galicia-061, aos Bombeiros de Baixo Miño, á Garda Civil de Tráfico e aos efectivos de Protección Civil da localidade. Tamén se puxeron os feitos en coñecemento dos Bombeiros de Vigo.

Unha vez no lugar, os Bombeiros e os efectivos de Protección Civil confirmaron que foron dúas os vehículos implicados e, aínda que non foi necesario o uso do material de excarceración, si tiveron que ser trasladadas dúas persoas. Os servizos de emerxencias deron por finalizada a súa intervención tras a limpeza dunha mancha de aceite que quedou derramada pola calzada a causa do impacto.