Tres persoas resultaron feridas nun accidente múltiple ocorrido este martes no municipio de Nigrán, no que se viron implicados tres vehículos.

En concreto, segundo a información do CIAE 112-Galicia, o suceso ocorreu sobre as 17,15 horas deste martes na estrada PO-552, ao seu paso pola Ramallosa. De inmediato, foron mobilizados efectivos da Policía Local, Garda Civil de Tráfico e Protección Civil, así como persoal sanitario do 061, que prestou asistencia a tres persoas.

Por outra banda, sobre as 13,30 horas deste martes rexistrábase outro accidente no municipio do Grove, á altura de Monte das Flores. Aínda que as feridas do ocupante do vehículo, que envorcou, non revestían gravidade, foi necesaria a intervención dos Bombeiros de Ribadumia para liberala do interior do turismo.