O tráfico total do Porto de Vigo experimentou un incremento do 44,4% durante o mes de novembro, ao moverse máis de 500.000 toneladas nese período e conseguiu aumentar, entre outros movementos, o tráfico de pesca fresca.
Así, segundo comunicou a Autoridade Portuaria, o tráfico de mercadorías experimentou unha subida do 46,8 % e a subida da pesca fresca foi do 6,25 % en novembro (aínda que as cifras acumuladas do ano seguen sendo negativas, cun descenso do 6,58 %).
Entre as mercadorías máis destacadas no mes de novembro, están as froitas, verduras e hortalizas, cunha subida do 1.254 %; os alimentos, que soben un 151 %; as madeiras e travesas, cuxo tráfico subiu un 58,7 %; os metais e as súas manufacturas, cunha subida do 57 %; a pesca conxelada, que aumenta un 50,15 %; a maquinaria, cun incremento do 49 %; e os automóbiles (que seguen sendo a principal mercadoría da terminal viguesa), cunha subida do 43 %.
En canto ao tráfico de colectores, novembro foi tamén un mes positivo, xa que se rexistrou unha subida de 43,8 %, grazas sobre todo ao bo comportamento de Guixar e dos movementos de colectores con guindastre (que subiron case un 59 %).
