O número de casos de covid-19 detectados en Vigo descendeu o luns ata os 41 positivos –27 menos que o domingo–, e a presión hospitalaria mantense estable con 60 ingresos por coronavirus -un menos-, nove deles en coidados intensivos -tres menos-.

Desta maneira, e segundo a actualización dos datos da pandemia publicada na mañá deste martes na páxina web da Consellería de Sanidade, con cifras recollidas ata as 18,00 horas do luns, Santiago pasa a ser a área con máis casos positivos, ata os 1.248 –13 máis–; mentres que Vigo ten 1.242 casos activos – catro menos -.

Os datos do departamento autonómico sitúan a taxa de positividade nestas últimas 24 horas no conxunto de Galicia nun 2,4%, por baixo do día antes –3,8%– e inferior ao que marca a Organización Mundial da Saúde para dar por controlada a pandemia.

GALICIA

No conxunto de Galicia, os casos detectados descenderon ata. os 202 positivos –66 menos que o domingo–, aínda que a presión hospitalaria volveu crecer lixeiramente, con tres ingresados máis ata os 357.