InicioSociedadeDetido en Vigo por finxir a súa morte para que a familia...

Detido en Vigo por finxir a súa morte para que a familia cobrara un seguro de 200.000 euros

Pagou a un funcionario en Colombia para certificar a súa morte e foi descuberto ao volver a España e pedir asilo

PUBLICADO O

Axentes da Policía Nacional da comisaría de Vigo detiveron a un cidadán colombiano, de 46 anos de idade, como presunto autor dun delito de estafa, ao finxir a súa morte para que a súa familia cobrase un seguro de 200.000 euros.

Segundo informaron fontes policiais, as investigacións iniciáronse a finais de 2019, cando un cidadán colombiano presentou solicitude de asilo político na Comisaría de Vigo. Ao facer as comprobacións e cotexar as impresións dixitais, a Policía constatou que, con esas mesmas pegadas, figuraba no sistema outro cidadán colombiano distinto, que estivera en España e que saíra de territorio español en 2005.

O grupo UCRIF da Brigada de Estranxeiría comezou a investigar. As pescudas permitiron tamén descubrir que, en 2005, a familia deste cidadán reclamou unha indemnización a unha compañía de seguros española, xa que este home subscribira unha póliza. Para iso, presentaron documentación certificada por organismos oficiais sobre o falecemento dese familiar, e así lograron cobrar un seguro de vida de 200.000 euros.

A Policía concluíu que eses documentos que certificaban a morte eran fraudulentos e que o propio implicado pagara a un funcionario colombiano para que llos facilitase.

Ese cidadán colombiano regresou a España en 2019 e, foi precisamente a súa solicitude de asilo a que destapou a estafa, xa que presentou documentación falsa na Comisaría. O home foi detido, a súa solicitude de asilo denegada e ten unha orde de expulsión de España. Ademais, deberá responder ante a xustiza española por un presunto delito de estafa contra a compañía de seguros.

O arrestado e as dilixencias practicadas foron postos a disposición do xulgado de instrución 6 de Vigo, en funcións de garda.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...