O Concello de Vigo iniciará os trámites para a expropiación, mediante poxa, de oito solares situados no Casco Vello da cidade, e que estaban incluídos no rexistro municipal do programa de expropiación forzosa.
Así o confirmou en rolda de prensa do alcalde, Abel Caballero,O Concello de Vigo expropiará oito terreos no Casco Vello por ser un estercoleiro quen lembrou que o Concello identificara 24 solares en estado de abandono no barrio histórico e no centro da cidade. Tras contactar cos propietarios, 16 deles iniciaron xa o proceso para edificar, mentres que outros 8 serán expropiados mediante poxa.
Segundo sinalou o rexedor, este programa iniciouse coa idea de eliminar eses espazos que, despois de anos de abandono, convertéronse nun estercoleiro e en “focos de suciedade”. Unha vez contactados os propietarios, a maioría deles iniciaron o proceso para edificar, polo que concluíu que “o rexistro e a ameaza de expropiación funcionan”.
Con respecto aos outros 8, varios na Rúa Alta, outros en Ferreiría e un máis en Abeleira Menéndez, proximamente levará a cabo a expropiación por poxa pública. Así mesmo, o alcalde apuntou que o Concello de Vigo continuará rexistrando solares que estean en ruínas e abandonados porque non permitirá “feridas” na cidade.
