InicioEconomíaO BNG pide a entrada do Goberno e Xunta no consello de...

O BNG pide a entrada do Goberno e Xunta no consello de Barreras para achegar “solidez”

Defenderá a necesidade de consolidar un proxecto de construción naval na zona ante o Parlamento de Galicia.

PUBLICADO O

- Advertisement -

O deputado autonómico do BNG Ramón ‘Mon’ Fernández apostou por que a Xunta e o Goberno central se integren no consello de administración do estaleiro vigués Hijos de J. Barreras mediante unha “entrada de capital” para achegar “solidez” e rebaixar a “conflitividade” coas empresas auxiliares, ás que se deben 20 millóns de euros.

En declaracións aos medios tras reunirse co comité de empresa de Barreras na cidade olívica, lembrou que se articularon avais desde o organismo público dependente do Goberno CESCE, así como subvencións do Igape para a industria auxiliar co obxectivo de apoiar o mantemento da actividade da empresa.

Por iso, afirmou que “estaría máis que xustificado” que o Goberno e a Xunta “tomasen parte en consello de administración” do estaleiro “mediante unha entrada de capital”.

Deste xeito, asegurou que se podería achegar a “solidez necesaria” e evitar “turbulencias” entre o estaleiro e a industria auxiliar. Así, remarcou que se contribuiría a “baixar a conflitividade” entre ambas as partes, entregar o ‘Evrima’ no prazo previsto e “construír un horizonte máis tranquilo” cunha garantía de que se “siga creando riqueza”.

Así mesmo, o portavoz do BNG en Vigo, Xabier P. Igrexas, sinalou que a situación de Barreiras “non é boa” e que a retirada de traballadores das empresas auxiliares das bancadas de Beiramar “pode comprometer o calendario de traballos de entrega do ‘Evrima'”, o que podería xerar consecuencias no “futuro do estaleiro”.

Tamén resaltou a “falta de concreción” sobre os anuncios da empresa relativos á construción de dous novos barcos, “o que supón que a única carga de traballo que ten Barreiras sexa o ‘Evrima'”.

ÚLTIMAS

Axentes e funcionarios denuncian as condicións “extremas” de calor na Comisaría de Vigo

Medio centenar de axentes e funcionarios da Comisaría de Vigo-Redondela, convocados polos sindicatos policiais...

Detido en Vigo por unha agresión á súa parella

Axentes da Policía Local de Vigo detiveron a un home de 47 anos de...

Confirmados 4 anos de cárcere para un home que extorsionou a unha muller

O Tribunal Superior de Xustiza de Galicia (TSXG) confirmou a sentenza da sección quinta...

OPINIÓN.- Riscos ambientais e patrimonio local na Barroca de Navia

As ondas de calor soportadas no mes de xuño mostran con claridade a anomalía...