A Policía Nacional mantén activado un dispositivo de procura para atopar a Iria Rodríguez Vila, unha moza de Vigo de 33 anos que leva desaparecida desde o pasado venres, 23 de outubro.
Segundo informan a Europa Press fontes oficiais, a denuncia interpúxoa este xoves a súa avoa, coa que residía na cidade olívica, despois de que non volvese a casa tras saír dun centro educativo.
A investigación, de acordo coas mesmas fontes, trata de pescudar se a moza, de 33 anos de idade, se puido dirixir a casa duns amigos antes de que se lle perdese a pista.
Tras a denuncia, a asociación SOS Desaparecidos publicou un cartel de alerta por redes sociais no que se describe a Iria Rodríguez Vila como unha muller de 1,70 de altura e de “complexión grosa”. Ademais, ten pelo castaño, ollos verdes e saltones, acne e varias cicatrices.
