InicioEconomíaLópez Veiga insiste en que a concesión de Vulcano expira en 2027...

López Veiga insiste en que a concesión de Vulcano expira en 2027 “e non é prorrogable”

O administrador concursal defende que a concesión debía formar parte da liquidación da Unidade Produtiva, mentres que o Porto sostén que, unha vez disolta a empresa, a concesión extínguese e volve ao Porto.

PUBLICADO O

- Advertisement -

O presidente da Autoridade Portuaria de Vigo, Enrique López Veiga, insistiu este venres en que a concesión administrativa do espazo portuario onde está o estaleiro Vulcano (cuxa sociedade xa está extinguida) expira en 2027 “e non é prorrogable”.

López Veiga explicou que non se produciron novidades sobre o futuro desas instalacións e da concesión, e lembrou que a toma de decisións está paralizada á espera de que se pronuncie o Tribunal de Conflitos Xurisdicionais. “O que todos queremos é seguridade xurídica. O Tribunal dará unha solución e acabarase a incerteza”, apostilou.

En todo caso, insistiu en que “o 2027 está aí”, e é o prazo no que expira a concesión. “E non é prorrogable, iso sábeno todos”, resolveu.

A quebra do estaleiro Vulcano e a súa posterior liquidación abriu unha polémica acerca da concesión administrativa dese espazo, xa que o administrador concursal defende que a concesión debía formar parte da liquidación da Unidade Produtiva, mentres que o Porto sostén que, unha vez disolta a empresa, a concesión extínguese e volve ao Porto.

Aínda que a Audiencia Provincial deu a razón á administración concursal, un ditame (non vinculante) do Consello de Estado estableceu que a concesión quedaba extinguida. Ante a disparidade de criterios, o Porto solicitou que o Tribunal de Conflitos de Xurisdición se pronunciase para determinar cal das dúas posicións debe prevalecer.

A situación na que quede a concesión é determinante para decidir o futuro do antigo estaleiro, xa que un espazo e unhas instalacións obsoletas, sen concesión, non espertan o mesmo interese aos investidores. De feito, a única empresa que fixo unha oferta polas instalacións de Vulcano, Marina Meridional, trasladou os seus reparos, precisamente pola extinción da concesión dentro de só 7 anos.

ÚLTIMAS

Rueda, preparado para negociar con Caballero

O desbloqueo da urbanización da ETEA, a reforma das pistas de Balaídos, ou a...

A concelleira de Urbanismo afea a “actitude” da Xunta a catro días da reunión de Rueda e Caballero

O goberno municipal de Vigo afeou este venres "o fondo e as formas" das declaracións da...

O PP de Vigo esixe a Caballero que garanta a seguridade en San Xoán ante a previsión de falta de bombeiros

O grupo municipal do PP no Concello de Vigo esixiu este venres ao alcalde, Abel Caballero,...

Falece un mozo en Vigo tras ter un accidente cunha carretilla elevadora

Un mozo de 24 anos de idade faleceu este xoves en Vigo tras sufrir...