A xunta directiva da Asociación Veciñal de Teis e de Chapela presentou un escrito conxunto no rexistro do edificio da Xunta en Vigo,dirixido ao José Luis Ábalos Meco, novo Ministro de Fomento, solicitando a supresión da peaxe Rande-Vigo pendente de concreción dunha data, a conversión en tramo urbano da autoestrada AP-9 desde Padín até o centro da cidade de Vigo e medidas contra a contaminación acústica.
“Desde a Asociación Veciñal de Teis, esiximos que o Ministerio, concrete unha data para a supresión da peaxe, logo de case seis meses de anunciar a supresión da mesma”, denuncian.
O pasado 23 de xaneiro, o Ministerio de Fomento aceptaba a reivindicación de liberar a peaxe Rande-Vigo. No pasado mes de marzo, informaban que estaban negociando con Audasa unha posíbel contrapartida, en relación á supresión da peaxe Rande-Vigo.
“A eliminación da peaxe debe incluír a conversión en tramo urbano da autoestrada AP-9 desde Padín até o centro da cidade de Vigo medidas contra a contaminación acústica. Ademais esiximos que o Ministerio de Fomento, a aprobación definitiva do Plan de Acción contra o Ruído 2º fase”, selaron.
