InicioPolíticaPontón pide dar "un gran salto adiante", cun novo financiamento que dea...

Pontón pide dar “un gran salto adiante”, cun novo financiamento que dea a Galicia “a chave” dos seus recursos

A líder do Bloque pide nun acto en Vigo confiar nas "capacidades" do país, tras anos de "submisión e dependencia de Madrid" por parte de Feijóo.

PUBLICADO O

- Advertisement -

A portavoz nacional do BNG e candidata á presidencia da Xunta, Ana Pontón, proclamou que “é o momento de dar un gran salto adiante” e apostar por un “concerto económico” que permita a Galicia ter “a chave” dos seus propios recursos, un cambio “clave” para encarar a recuperación económica e dos servizos públicos no escenario de crise provocada pola pandemia de coronavirus.

Así o trasladou nun acto en Vigo, no que deu a coñecer as principais propostas económicas do BNG de face aos comicios do 12 de xullo.

A candidata subliñou que un novo modelo de financiamento será “clave” para Galicia, e lembrou que “hai 11 anos, Feijóo asinou un modelo que discrimina” o país “e nunca moveu un dedo por cambialo”. Por iso, apostou por un concerto económico que posibilite poder recadar todos os impostos que se xeran en Galicia, e “ter a chave dese diñeiro para destinar recursos a fortalecer a sanidade, a educación ou para a reconstrución económica”.

Segundo incidiu, esa é “a mellor alternativa”, porque permitiría a Galicia dispor cada ano de 3.500 millóns de euros adicionais, e tamén permitiría ter “unha fiscalidade máis xusta e adaptada á realidade do país”.

Pontón sinalou que en Navarra ou País Vasco, que contan con concerto económico propio, “ningún partido político cuestiona o modelo” porque saben que é “clave para desenvolver o seu estado de benestar”.

“Nun momento en que hai que reforzar o público, necesitamos acompañar o autogoberno no plano político dun autogoberno financeiro, e acabar co centralismo financeiro. A experiencia dinos que, cando os fondos se distribúen desde Madrid, Galicia sempre sae prexudicada”, aseverou.

OUTRAS MEDIDAS

Por outra banda, a candidata do BNG proclamou que, se chega á presidencia da Xunta, a súa “primeira decisión” será “convocar un gran acordo de país”, cos partidos, organizacións económicas, universidades, sindicatos e institucións locais para reactivar a economía e “pór en marcha un motor que está parado”.

Para iso, enumerou algunhas propostas, como duplicar en 4 anos o investimento en I+D+i, ata alcanzar o 2,5 % do PIB; ou a posta en marcha dunha institución de captación e retención de talento investigador (InnoGal) seguindo modelos xa probados en Cataluña (Icrea) ou País Vasco (Ikerbasque).

Así mesmo, apostou pola creación dunha tarifa eléctrica galega para empresas e familias; recalcou a importancia de contar cun sector público “potente” que “acelere” a reactivación económica; e propuxo un proxecto económico sustentable, que deixe atrás o actual “modelo depredador”.

Finalmente, Ana Pontón insistiu en que Galicia necesita unha presidenta que confíe “nas capacidades” do país, cun proxecto “modernizador” e que acabe “con tantos anos de submisión e dependencia de Madrid, que deixaron a Galicia na irrelevancia”.

A ese respecto, criticou a “folla de servizos” de Feijóo, que pasou “do servilismo inútil” (co Goberno central do PP) a unha “confrontación igual de inútil” (co actual Executivo).

ÚLTIMAS

Rueda, preparado para negociar con Caballero

O desbloqueo da urbanización da ETEA, a reforma das pistas de Balaídos, ou a...

A concelleira de Urbanismo afea a “actitude” da Xunta a catro días da reunión de Rueda e Caballero

O goberno municipal de Vigo afeou este venres "o fondo e as formas" das declaracións da...

O PP de Vigo esixe a Caballero que garanta a seguridade en San Xoán ante a previsión de falta de bombeiros

O grupo municipal do PP no Concello de Vigo esixiu este venres ao alcalde, Abel Caballero,...

Falece un mozo en Vigo tras ter un accidente cunha carretilla elevadora

Un mozo de 24 anos de idade faleceu este xoves en Vigo tras sufrir...