InicioMedio Ambiente e PatrimonioUn proxecto innovador fabrica en Vigo fibra téxtil con 30 toneladas de...

Un proxecto innovador fabrica en Vigo fibra téxtil con 30 toneladas de aparellos de pesca rescatados do mar

O proxecto europeo OCEANETS, liderado polo Instituto Tecnolóxico do Plástico (AIMPLAS), e no que colaboran a Cooperativa de Armadores de Vigo (ARVI), a Universidade de Vigo (a través dos grupos XENE e iMark), a ONG Vertidos Cero e as empresas Sintex e Ecoalf, cumpriu un ano e logrou o seu obxectivo de revalorizar residuos procedentes de redes e aparellos de pesca, reciclándoos e obtendo fibra téxtil.

PUBLICADO O

- Advertisement -

O proxecto europeo OCEANETS, liderado polo Instituto Tecnolóxico do Plástico (AIMPLAS), e no que colaboran a Cooperativa de Armadores de Vigo (ARVI), a Universidade de Vigo (a través dos grupos XENE e iMark), a ONG Vertidos Cero e as empresas Sintex e Ecoalf, cumpriu un ano e logrou o seu obxectivo de revalorizar residuos procedentes de redes e aparellos de pesca, reciclándoos e obtendo fibra téxtil.

Así o explicou o presidente de ARVI, Javier Touza, quen sinalou que, neste ano, recolléronse máis de 30.000 quilos de residuos de aparellos e redes nos fondos mariños, fundamentalmente no Atlántico suroccidental. Estes aparellos conteñen materiais como poliamidas, que son fibras de alta calidade e de “gran valor téxtil”.

A partir desas fibras, a empresa checa Sintex elaborou tecidos que permiten a fabricación de pezas, de modo que se dá “unha segunda vida” a eses residuos. Este proxecto, por tanto, contribúe ao cumprimento de varios dos obxectivos do milenio, segundo destacou Touza, como son a preservación dos fondos mariños, o fomento dun medioambiente “san e seguro” e o impulso dunha produción e un consumo responsables.

TECIDOS E PEZAS

Segundo explicou o responsable de I+D+i da Cooperativa de Armadores, Jorge Romón, os restos recolleitos do mar conteñen diversos materiais plásticos, como a poliamida, o poliéster ou o polietileno.

Ata agora, elaborouse un “tecido piloto” con poliamida para o seu uso en pezas deportivas, e séguese “experimentando” co resto de materiais, por parte de Sintex. O paso seguinte, sinalou, correrá a cargo da empresa española Ecoalf, que poderá utilizar eses tecidos, achegando o seu deseño, para a elaboración e posterior comercialización de pezas.

Finalmente, o portavoz da Asociación Vertidos Cero, Rubén Rodríguez, explicou que esta ONG coopera cos pescadores na elaboración dunha “base de datos colaborativa” na que se determinen os puntos e localizacións que “son perigosos para os seus aparellos”, porque hai risco de enganche ou deterioración das redes.

ÚLTIMAS

Stellantis Vigo e sindicatos acordan un ERE voluntario para un máximo de 80 traballadores e un ERTE de ata 75 xornadas

Tras varias xornadas de negociacións, a dirección da planta viguesa do grupo automobilístico Stellantis...

Luisa Sánchez chama á unidade do PP vigués: “Non seremos a alternativa mentres sigamos dubidando de nós mesmos”

AA candidata a liderar o PP vigués Luisa Sánchez prometeu a militantes unha "política...

Un detido e varios médicos investigados por unha trama que traficaba drogas e medicamentos

A Garda Civil detivo na madrugada deste xoves a unha persoa e investiga a...

Deteñen un mozo en Vigo por ir sen casco nun patinete, falando polo móbil e agredir a un axente

Un mozo, S.F.C. de 24 anos de idade, foi detido en Vigo na tarde...