InicioSociedadeO Concello de Vigo contratará un servizo de desinfección para reabrir parques...

O Concello de Vigo contratará un servizo de desinfección para reabrir parques e pistas deportivas

Contratará unha empresa que prestará un servizo de desinfección en 305 parques infantís e biosaudables e pistas deportivas.

PUBLICADO O

- Advertisement -

O Concello de Vigo contratará unha empresa que prestará un servizo de desinfección en 305 parques infantís e biosaudables e pistas deportivas da cidade co obxectivo de proceder á súa reapertura.

O alcalde, Abel Caballero, explicou que se comezou a estudar con que frecuencia deberá realizarse a limpeza destes espazos e como se deberá levar a cabo, así como o modo no que se controlará o seu aforamento. Con todo, non concretou a data na que terá lugar a súa reapertura.

Tamén sinalou que resultará preciso garantir o mantemento da distancia persoal entre os usuarios e a súa hixiene, o que levará un custo. No entanto, criticou que a Xunta permitise a reapertura de parques desde este luns, pero “non aclare” que importe destinará aos concellos para afrontar o custo que iso leva.

Neste sentido, Abel Caballero afirmou que esta iniciativa presenta unha “lagoa”, xa que non inclúe “unha asignación orzamentaria”. Deste xeito, volveu criticar que o Goberno galego “reciba inxentes cantidades (de diñeiro) pero non as traslade (aos municipios)”, en alusión aos fondos transferidos polo Executivo central para afrontar consecuencias derivadas da pandemia. Por iso, reclamou “saber onde están (esas cantidades)”.

Pola súa banda, o portavoz do Grupo Municipal Popular de Vigo, Alfonso Marnotes, reprobou que non se abriron os parques no primeiro día no que se permitiu, o que achacou á “falta de previsión do alcalde”.

Nesta liña, Marnotes lamentou que o rexedor “se esquecese dos nenos” e reclamou a apertura de espazos para os mesmos de modo inmediato, así como a súa desinfección.

ÚLTIMAS

Baiona convoca unha “concentración de homenaxe” polo falecemento de Santiago Leyenda no Argos Georgia

Declaracións do alcalde de Baiona, Jesús Almuiña, que convocou unha concentración hoxe ás oito...

O Goberno enviará un avión militar “canto antes” para repatriar a tripulantes españois do ‘Argos Georgia’

O ministro de Asuntos Exteriores, Unión Europea e Cooperación, José Manuel Albares, anunciou que...

Última hora #ArgosGeorgia 14 sobreviventes, 9 falecidos e catro desaparecidos

No tráxico incidente ocorrido na mañá do 23 de xullo, o pesqueiro Argos Georgia,...

Vigo e Baiona drecretan un día de loito oficial pola morte dos dous mariñeiros locais falecidos na traxedia do Argos Georgia

O Concello de Baiona decretou un día de loito pola morte do seu veciño...