InicioSociedadeSindicatos reclaman a PSA Vigo "a suspensión da produción" pola seguridade do...

Sindicatos reclaman a PSA Vigo “a suspensión da produción” pola seguridade do persoal

CUT tamén esixe unha reunión de carácter urxente do comité e os delegados de prevención para "acordar" como aplicar a medida.

PUBLICADO O

O sindicato Central Unitaria de Traballadores (CUT) remitiu ao Grupo PSA de Vigo un comunicado no que reclaman “a suspensión da actividade produtiva” da factoría para asegurar a saúde dos seus traballadores ante a expansión do COVID-19 por todo o territorio español.

No documento argumentaron que unha empresa na que hai miles de contactos entre os seus traballadores se converte nun “posible foco de propagación” do virus, polo que solicitan ao departamento de Recursos Humanos do Grupo PSA que “non corra o risco” de primar a “produtividade por encima da saúde das persoas traballadoras” e, por extensión, “de toda a sociedade”.

Ademais, tamén esixen unha reunión de carácter urxente do comité e os delegados de prevención para “acordar” como aplicar a medida solicitada sen que “recaia sempre sobre a parte máis débil” do persoal.

Estas reclamacións xurdiron despois de que durante os primeiros días de implantación das medidas de prevención, a CUT detectase botes de hidroxel e dispensadores de xabón “baleiros”. Neste sentido, denuncian que “o aumento anunciado a semana pasada pola empresa” sobre o incremento da limpeza “segue sen producirse”.

A isto súmase a situación de tensión, ansiedade e malestar no conxunto de traballadores, xa que “as medidas que toma a empresa supoñen inquietude e medo”.

O sindicato atende as recomendacións da Organización Mundial da Saúde (OMS) e as das autoridades sanitarias para soster as súas propostas. Baséanse en que “retardar os contaxios” e “tomar as medidas preventivas” son as maneiras de “conter un risco inminente e extraordinario para a saúde de toda a poboación”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...